(هذا الحوار جرى بيني وبين
صديقي (شادي) من غزة، الإسم مستعار وكنت قد إخترتهُ له تبعاً لحديث
أجريته معه لملحق "شباب السفير" http://bit.ly/LM1Qz9. هذا الحوار جرى عبر
برنامج "واتس أب".. ونشكر الله عنا "سمارتفون").
يُرسل (شادي) إلى (رشا)
صورة عن الفيزا التي حصل عليها إلى أوروبا.
رشا: نيالك يا عمّ، خدني
معك.
شادي: ولك تعالي.. وين
ناوية؟
رشا: برلين*.
شادي: برلين يا رشا؟
رشا: آه، بحبها.
شادي: بتعرفي؟ أنا حعيش
باقي عمري هناك. وصحابي حوليّ بأوروبا.. وحبّي بعيد عني ساعات.
رشا: وينها ياسمين؟ بهولندا**؟
شادي: لا.. بلجيكا***.
والتفكير فيها بخليني أشوفها خلال ساعات. بأسهل طرق المواصلات في العالم. بدون
حدود ولا أسلاك إتصال. هيك بصير الإتصال إنساني. يلعن هيك إتصال ما أزكاه! إنتِ
متى بتكوني في مصر؟
رشا: مش عارفة حالياً.
شادي: شو المشكلة تكوني؟ فش
مشكلة. إسمعي، فش مشكلة.. ما في مشكلة إلا بفلسطين. يا الله.. مش متخييل إني بعد
ايام حشوف الكهربا طول الوقت، وأبطل عايش في قلق..
رشا: خلص. رح تقطعلي قلبي.
شادي: هاهاها. لا أنا بفرغ
بس.
رشا: طيب تعال نحكي أكتر
عالسكايب.
شادي: فش كهربا.
(*، **، ***: الأسماء مستعارة كذلك).
ليش الاسماء مستعارة
ردحذفتدوينة معبرة وبسيطة :)
ردحذففكرة ان الواتساب بيشتغل بدون كهربا وبدون انترنت هادي بتحسسني ان الي اخترع هالخدمة عملها مخصوص عشان أخوانه في غزة :D
هههههههه
ردحذفرهيبة بجد عجبتني
احنا عنا الواتس اب بيشتغل على الواي في. و